Veneto: Canzoni popolari

libro animato

A Rovigo


E a Rovigo a gh'è un curato - bela ti do
E a Rovigo a gh'è un curato
che 'l confessa tuti a l'ato, bela ti do - ti do ti do
biondina bela, bela ti do un bacin d'amor.

Signor curato gh'è qua 'na vecia..
che si vuole confessare..

Se l'è 'na vecia mandèla via..
la rovina la compagnia..

Signor curato gh'è qua 'na sposa..
che si vuole confessare..

Se l'è 'na sposa mandèla avanti..
che confesso tuti quanti..

Finché 'l curato la confessava..
- con gli occhi la guardava
con le mani la toccava
con la bocca la baciava..

O caro figlio non dirlo al padre..
che 'l curato baciò la madre..

Se l'à baciata l'à fato bene..
l'à solevata da tante pene..

Va casa el filio lo disse al padre..
che 'l curato baciò la madre..

Così che 'l padre el s'infuriava..
forà di casa la scacciava
a calci in culo, lei gridava..


Marieta, monta in gondola


Lui: Marieta, monta in gondola che mi te porto al Lido!
Lei: Mi no che non me fido ti è massa un impostor...
Lui: Cossa te disi, cocola? perché ta quel boscheto.
Lei: Ti m'ha scrocà un baseto per pizzegarme el cuor.
Lui: E tiche-tiche-ti... ti te disi "no"
ma mi so' che te bate el cuore
Tiche-tiche-ta... anca lu' Io sa
che a Venessia l'amor se fa
...in gondoleta...!
Lei: Digo no... no ghe vegno no!!!
Co sto afar del sì e del no
moleghe un ponto... moleghe on ponto.
Co sto afar del sì e del no
molè on ponto tutti dò...!
Lui: Ma varda che spettacolo.. la luna xè d'argento...
Lei: No far del sentimento... cossa te voi mi sò...
Lui: Sora le tonde cupole, svola le colombelle ...
Lei: E... zònteghe pur le stelle -- ma non me fido, no...!
Lui: Va ben, va ben, finimola..mi ciapo 'naltra strada.
Lei: Te fa una balossada, no so se te convien...
Lui: Me sercarò Felisita per farte un bel dispeto
Lei: Mi no che no permeto...perché...te vojo ben...!
E tiche-tiche-ti...ti te disi sì
...anca mi si me bate el cuore..
Tiche-tiche-tà...che felisità ...
a Venessia l'ama se fa...!
...in gondoleta...in gondoleta
...in qondoleta...te darò un basin!


Cara Mama


Cara mama, mi vòi Toni
perché 'l Toni l'è 'l più belo;
da 'na banda 'l g'ha 'l capelo
e da l'altra rose e fior.
Cara mama, mi vòi Toni,
perché 'l Toni l'è 'n bel puto;
quel che 'l ciapa, 'l magna tuto
e cosi farò anca mi.
Cara fiòla fa giudizi,
zerca 'n puto pù de sesto:
mi me par che quel foresto
en poc meio 'l sia per ti.
Cara mama, me stupisso
e scusème, se ve 'l digo;
con foresti no me intrigo,
un paesan mi vòi per mi.


Caro 'l me Toni


Caro 'l me Toni sta' su alegher
te se un bel négher in verità.
Se mi sun negher cosa me importa
su la mia porta comandi me.
Su la mia porta sul mio cancello
l'amor più bello me capitò.
M'è capitaa 'na bella mora
la farò sposa 'sto carneval.
'Sto carnevale, 'sto san Martino
se l'è destino ci sposerem.
lo chiederemo al sior curato
se l'è peccato fare l'amor.
Con quelle belle non è peccato
con quelle brutte è carità.


Come se fa


Come se fa, come se fa
quando la vedo mi reste 'ncantà! (2v.)
1. La g'ha 'n naso a pero cotogno
pien de sbrufoi, de vermi e de entrighi
e ghe nasse perfino dei fighi
qualche nespolo e qualche melon.
Come se fa, come se fa…
2. La gà do recie che pare do vele
e do vele de barca a timon
e co tira 'na bava de vento
la te pianta un gran rebalton.
Come se fa, come se fa ...
3. La g'ha 'na boca che par 'na botega
'na botega 'n do i vende el carbon
la g'ha i denti che pare 'na sega
tutti marzi e nessuno de bon.
Come se fa, come se fa...
4. La g'ha 'na testa che par 'na foresta
e i cavei che pare sparzele
e ghe nasse a fiore de pele
qualche grosta de pan brustolà.
Come se fa, come se fa ...
5. La g'ha 'n ocio che varda a levante
e quell'altro ch'el varda a ponente
e la dise che vede la zente
anca quando no ghe più nessuno.
Come se fa, come se fa.